നടി മഞ്ജുവും കൂട്ടരും സുരക്ഷിതരെന്ന് സംവിധായകന് സനല്കുമാര് ശശിധരൻ. കഴിഞ്ഞ പത്ത് ദിവസമായി മൊബൈൽ റെയിഞ്ചും ഇന്റനെറ്റും ഇല്ലാത്ത ഹിമാലയൻ പർവതങ്ങളിലായിരുന്നുവെന്നും ഹിമാചൽ സർക്കാരിന്റെ ഇടപെടലിലൂടെ മുഴുവൻ ആളുകളെയും സുരക്ഷിതരായി കുറഞ്ഞ സമയം കൊണ്ട് പുറത്തെത്തിച്ചുവെന്നും അദ്ദേഹം ഫേസ്ബുക്ക് അക്കൗണ്ടിലൂടെ അറിയിച്ചു. കയറ്റം എന്ന തന്റെ പുതിയ സിനിമയുടെ ചിത്രീകരണത്തിനായാണ് സനല്കുമാര് ശശിധരനും സംഘവും ഹിമാചലിൽ ഹംപ്ത പാസിന് പരിസര പ്രദേശങ്ങളിലെത്തിയത്. കേരളത്തിലെ മഴയും പ്രളയ ദുരിതങ്ങളും ഒന്നും അറിയാൻ കഴിഞ്ഞില്ലെന്നും നാടിന്റെ സങ്കടത്തിൽ പങ്കുചേരുന്നുവെന്നും അദ്ദേഹം എഫ് ബി അക്കൗണ്ടിലൂടെ അറിയിച്ചു.