ന്യൂയോര്‍ക് : ഗുരുകുലത്തിന്റ്‌റെ ഇരുപത്തിയെട്ടാമതു പ്രവര്‍ത്തനവര്ഷം 2020 സെപ്റ്റംബര്‍ 18 നു ആരംഭിക്കുന്നതാണ് .പൂര്‍ണ്ണമായും ഓണ്‍ലൈന്‍ ക്ലാസുകള്‍ ആണ് സജ്ജീകരിച്ചിരിക്കുന്നത് . കൊറോണ വൈറസിന്റെ വ്യാപനം നിയന്ത്രിക്കാന്‍ ഈ നടപടി ആവശ്യമാണെന്നാണ് ഗുരുകുലം ഭാരവാഹികളുടെ തീരുമാനം .ഈ പ്രത്യേക അപകട സന്ധിയില്‍ യാത്രയും സമ്പര്‍ക്കവും ആവുന്നത്ര കുറക്കേണ്ടത് ആവശ്യമാണ്.
പ്രായവും ഭാഷാപരിചയവും കണക്കാക്കി വിദ്യാര്‍ഥികളെ പല ലെവലുകളായി തിരിച്ചിരിക്കുന്നു.ഗുരുകുലം വെബ്സൈറ്റില് നിന്നും രെജിസ്‌ട്രേഷന്‍ ഫോം പൂരിപ്പിക്കാവുന്നതാണ് . അപേക്ഷാ ഫോമിലുള്ള മുഴുവന്‍ ഭാഗങ്ങളും പൂര്‍ണ്ണമായി പൂരിപ്പിക്കേണ്ടത് കാര്യക്ഷമമായ ക്രമീകരണത്തിന് ആവശ്യമാണ് .
ഈ പ്രത്യേക സാഹചര്യത്തിലും മുടക്കം കൂടാതെ ഭാഷാസേവനം തുടരാന്‍ പ്രതിജ്ഞാബദ്ധമാണ് ഗുരുകുലം സ്കൂള്‍. ഗുരുകുലം സ്കൂള്‍ തയ്യാറാക്കിയിരിക്കുന്ന പല നിലവാരത്തിലുള്ള പാഠങ്ങളും അഭ്യാസങ്ങളും വെബ്സൈറ്റില് ലഭ്യമാണ് .വിദ്യാര്‍ഥികള്‍ക്കും മാതാപിതാക്കള്‍ക്കും വളരെ പ്രയോജനകരമാണ് ഈ പാഠങ്ങള്‍ .എല്ലാ മാതാപിതാക്കളുടെയും , ഗുരുകുലത്തിന്‍റെ ഗുണകാംക്ഷികളുടെയും സഹായസഹകരണങ്ങള്‍ വിനീതമായി അപേക്ഷിക്കുന്നതായി ഫിലിപ്പ് വെമ്പേനില്‍ ,ജെ.മാത്യൂസ് , പുരുഷോത്തമന്‍ പണിക്കര്‍ എന്നിവര്‍ അറിയിച്ചു .
Please see the website for details
പി പി ചെറിയാന്‍